सडकछेउको नालीमा फालिएको सुटकेस खोलेर हेर्दा सबै जना आश्चर्य चकित

राजमार्गको छेउमा एउटा रातो रंगको सुटकेस फालिएको थियो । सुख्खा नालीमा सुटकेस फालिएको देखेपछि स्थानीयको उत्सुकता बढ्यो । साथमा उनीहरुलाई डर पनि लाग्यो । उनीहरुलाई प्रहरीलाई खबर गरे ।

प्रहरी आएर सुटकेस खोलेर हेर्दा त्यहाँभित्र एक महिलाको लाश भेटिएको छ । मृतक महिलाको शरीरमा चोटका निशानहरु छन् । भारतको दिल्ली जयपुर राजमार्ग अन्तर्गत हरियाणा पानीपतको रेवाडीमा सुटकेस भेटिएपछि प्रहरीले हत्याको मुद्दा दर्ता गरी अनुसन्धान अगाडि बढाएको छ ।

सुटकेसबाट ती महिलाको पहिचान खुल्ने केही प्राप्त नभएको प्रहरीले जनाएको छ । मृतकाको हात र खुट्टामा चोट लागेको छ । ती चोटमा प्राथमिक उपचार गरिएजस्तो पट्टी पनि बाँधिएका छन् । शवलाई पोष्टमार्टमको लागि पठाइएको र त्यसपछि मात्र मृत्युको कारण खुल्ने प्रहरीले बताएको छ ।