‘लम्फू’ को गीतमा यस्ती देखिईन “तरकारीवाली” (भिडियो सहित)

मल्टिस्टारर त्यसमा पनि तरकारीवालीको रुपमा सामाजिक सञ्जालमा भाईरल बनेकी कुुशुम श्रेष्ठ अभिनित चलचित्र ‘लम्फू’ को गीत सार्वजनिक भएको छ । “सँगै जिउने सँगै मर्ने” को गीतमा सुरेश लामा र अप्सरा घिमिरेको स्वर तथा अर्जुन पोखरेलको संगीत र दिग्गज धौरालीको शब्द र हेको छ ।

गीतमा चलचित्रका मुख्य कलाकारहरु कबिर खड्का , मरिष्का पोखरेल, कुशुम श्रेष्ठ, चाँदनी शर्मा र सञ्जित भण्डारी फिचर रहेका छन् । रामजी लामिछानेको कोरियोग्राफी रहेको भिडियोमा पाँच जना कलाकारहरुलाई रोमाण्टिक मुडमा देखाईएको छ ।

गोपालचन्द्र लामिछाने निर्देशन गरेको यस चलचित्रमा सलोन बस्नेतको पनि भुमिका रहेको छ भने कुशाग्र भट्टराई , आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुङ, काजोल, रश्मी भट्ट, जानुका पौडेल, पुष्प आचार्य, झलक कार्की लगायतका कलाकारहरुको पनि अभिनय रहेको छ ।

समय र परिस्थितीले मानिसलाई नायक र खलनायक दुबै बनाउँछ भन्ने कथालाई ‘लम्फू’ ले प्रस्तुत गरेको छ । भूपतिको लेखन रहेको यस चलचित्रलाई शक्ति बल्दब घोरासैनीले निर्माण गरेका हुन् । ‘लम्फू’ बैशाख २८ गतेबाट बाट अल नेपाल रिलिज हुँदैछ ।