पछि तिम्रो दिलभरि राजगर्नेछु पक्का हो /गजल/ सिन्धुलीयन युनिक

पानीलाई कति समय लाग्दो हो नदि बनाउन
हो समय जरुर लाग्ने छ यो जिन्दगि बनाउन

समयले उस्लाई चिनेन उ चिन्दछ समयलाई
तेसैले जिन्दगि सिध्याईदियो घडी बनाउन

यो जमाना नक्कली हो,यहाँ नक्कल चल्छ
म प्रयासरत छु आफुलाई असली बनाउन

किन लगाउछौ नुनचुक बाहिरि घाउहरुमा
तिम्रो एक नजर काफी छ भतभती बनाउन

पछि तिम्रो दिलभरि राजगर्नेछु पक्का हो
गाह्रो त् सुरुमा भो ठाउ अलिकति बनाउन// 

सिन्धुलीयन युनिक 

तामाजोर ७ सिन्धुली 

हाल राजधानी